乜嘢係抗氧化劑？同游離機有乜關係？

乜嘢係抗氧化劑？同游離機有乜關係？

成日聽人講「抗氧化」，但你有冇諗過，我哋到底喺度抗緊啲乜？答案就係「游離基」（又叫自由基）。

游離基係人體新陳代謝嘅自然產物，佢哋好似一班唔守規矩嘅流氓，外層帶住一粒未配對嘅電子，為咗令自己穩定落嚟，會周圍去搶奪其他健康細胞嘅電子。呢個搶奪過程就係「氧化」。被搶咗電子嘅細胞會變質，甚至輪住去搶其他細胞嘅電子，引發連鎖反應，攻擊我哋嘅DNA、蛋白質同細胞膜。護膚品廣告講嘅皺紋、鬆弛，以至身體各種毛病同老化，好多都同呢班流氓周圍搞破壞有關。

咁抗氧化劑係乜？佢就係身體嘅「和事佬」兼「防暴警察」。抗氧化劑嘅原理，就係自己犧牲，主動將電子送俾游離基，等佢哋冷靜落嚟唔再搞事，從而中斷連鎖破壞。

人體本身會製造一啲抗氧化劑，亦可以從食物度吸收，例如維他命C、維他命E同β-胡蘿蔔素等。但係因為空氣、環境污染，又水土流失，令我哋得唔到足夠嘅抗氧化劑。當身體防禦力唔夠，游離基就容易積累，加速細胞氧化同老化。所以，單靠日常飲食未必夠，適當食用營養品作補充，可以幫身體維持抗氧化儲備，對抗日常環境壓力。當然，補充品只係輔助，唔可以取代均衡飲食同健康生活。

想了解更多可以PM我

免責聲明： 本文內容僅供參考，並非專業醫療建議。如有任何健康疑問或需要補充營養品，請務必諮詢醫生或註冊營養師。

#抗氧化 #游離機 #自由機